O
! wi nou se bèl fanm
Nou dwe ret toujou djanm
Fòk nou met tèt nou ansanm
Pou lavi a jwenn manm.
Nou gen konprann ak diyite
Nou gen valè ak kalite
Fòk nou kwape kalamite
Pou nou ka toujou nan gete
Nou se fanm
Nou dwe viv menm jan ak tout moun
Nou se fanm
Yo pata dwe pran nou pou kloun
Nou dwe viv nan lapè
Nan kiltive bon jan respè
Nou se vanyan fanm
Nou se manman lavi
Pouki sa n ap soufri
Nou pa sèlman machann tchanm-tchanm
Men nou gen flanm libète tou
E n ap revandike jouk li jou
Nou dwe viv nan renmen
Fò n toujou men nan men
Fò n goumen pou sa chanje
Nan yon bon jan libète
Paske n se fanm
Nou dwe ret djanm
N
ap mande tout timoun ak jèn k ap patisipe yo,
pou yo voye ban nou istwa ak kòmantè pa
yo, foto ak emisyon radyo. N ap mete yo nan paj sa a
pou ti zanmi yo k ap viv nan lòt peyi kapab wè
yo.
